 Karem Help |
Abaot MifalaWelkam long Nasonal Bank blong Vanuatu (NBV), bank blong yumi ol man ples. Long NBV, mifala I wantem blong givim plante quality Bank prodaks mo sevis long ol bisnis, ol gavman depatmen mo ol man mo woman we oli stap insaed mo aotsaed long Vanuatu. Ol kastoma blong Bank hemi ol smol bisnis long ol rurol eria, ol bigfala bisnis we oli stap long Vanuatu mo ol kastoma aotsaed long kaontri we oli wantem kam mekem banking long Vanuatu. Wanem nid yu kat long saed blong Bank, bae mifala I save helpem yu. NBV hemi glad from hemi wan Bank long Vanuatu we sapotem bikwan interes blong kaontri ia. Wetem wan netwok blong 21 branj long Vanuatu stat long Tores I go kasem long Aneityum, NBV hemi wan Bank nomo we hemi givim sevis I go aotsaed long tufala main taon. Evri profit we Bank hemi mekem, hemi givim igo bak long ol pipol long Vanuatu tru long dividen I go long Gavman o hemi usum blong impruvum ol Banking sevis blong hem mo hemia I minim se, NBV nomo hemi tru Bank blong ol man Vanuatu. NBV hemi bin stat long Okis 1991 under long NBV Act blong 1989. Gavman blong Vanuatu nomo hemi gat share insaed long Bank. Wok blong Bod blong ol Director mo ol Eksekutif Manejmen hemi independent long ol shareholder mo oli stanap strong blong mekem bank hemi operate long fasin blong wan commercial bisnis we hemi follem ol international standard mo ol regulatory requirement blong Reserve Bank blong Vanuatu. NBV Annual Ripot:
|