Niufala Samting

Rurol e-Banking Projek

NBV hemi bin lonjem wan bik projek blong impruvum akses long ol faenasol seveses I go long ol haos mo bisnis long ol rural eria. Projek ia bae hemi introdusum niufala tingting long saed blong e-banking long ol banking activiti long aelan.

Daerekta blong NBV, Bob Hughes hemi talem, “Long NBV mifala I impruvum banking mo maikrofaenans seves tru long wan netwok blong 21 branj long kaontri. Mifala I glad from mifala wan bank nomo long Vanuatu we I givim Banking seveses I go long ol rurol erias. Long 4 yias I pas, mifala I bin saksefuli lendem VT0.5 Billion long ol smol loans igo long ol rurol ni-Vanuatu bisnis. Nomata long hemia, mifala I stil strakol blong sevem ol smol mo rimot vilijes we bae projek ia I taketem. Taem we be I stat, niu teknoloji ia bae I givim ol pipol long ol rurol erias narafala wei out long “Maelo tin deposit” mo akses long smol bisnis lon bae hemi inkris.

Long ol aelan branjes, ol pat blong e-banking system bae I wok tru long paoa blong san mo komunikesen blong ol infomesen bae I kam tru long GSM netwok. Rurol e-banking projek bae I wok long infrastrakja blong Bank we I stap finis: Ilektronic banking, rurol branj netwok, maekrofaenans dipatment mo HR dipatment. Projek ia bae hemi involvem everiwan long Bank.

Ol Risal blong 2009

Taem Managing Director Bob Hughes hemi stap deliverem annual report blong 2009 i ko long Minister blong Finance, hemi se emia emi result blong continue commitment blong olgeta staff blong Bank. 

Tedei, NBV emi employem 161 staff wei 157 oli ol ni Vanuatu includim 4 ni-Vanuatu insaed long Executive Management positions.  “Mifala i kat wan strong team blong ol dedicated staff we oli saportem ol main strategies blong bank mo blong kipim bank ia olsem the only local bank wei i stap move forward,” Mr. Hughes hemi stap talem.

Mr. Hughes hemi talem se, Board of Directors wetem olgeta Executive Managers blong NBV oli continue blong wok wetem complete independence long shareholder (Vanuatu Government) mo wetem strict commercial terms wei i stap insaed long International–Standard Regulatory requirements blong Reserve Bank. 

Olgeta memba blong public oli save kasem wan copy blong NBV annual reports (2005-2009) long section blong “Abaot Mifala”.